«ԸՆԾԱ»-ՈՒՄ ԱՅՍՕՐ ԿՀՆՉԵՆ ՀԱՅԵՐԵՆ ԵՐԳԵՐ

Ստեփանակերտում նախօրեին մեկնարկել է ամենամյա, չորրորդ համահայկական երգի «Ընծա» մրցույթ-փառատոնը: Միջոցառմանը մասնակցում են երիտասարդ հայ կատարողներ Լեռնային Ղարաբաղից, Հայաստանից, Վրաստանից, Ռուսաստանից և Լեհաստանից:

Այսօր երգիչները կկատարեն երգեր` հայերեն լեզվով, մայիսի 14-ին` արտասահմանյան, իսկ 15-ին կլինի երգերի օրիգինալ կատարում: Մրցանակների հանձնման արարողությունն ու գալա-համերգը տեղի կունենա մայիսի 16-ին:

Մրցույթի մասնակիցներին նախօրեին ընդունել է ԼՂՀ Ազգային ժողովի նախագահ Աշոտ Ղուլյանը: Ընդունելությանը ներկա էր նաև ԼՂՀ մշակույթի պատվավոր դեսպան Զոյա Շաքարյանը: