ՍԻՆՈՓՍԻՍԸ ԵՎ ՄՈՍԿՎԱՅԻ ԷԼԵԿՏՐՈՆԱՅԻՆ ՏԵԽՆԻԿԱՅԻ ԻՆՍՏԻՏՈՒՏԸ ՏՎԵՑԻՆ ԱՌԱՋԻՆ ՇՐՋԱՆԱՎԱՐՏՆԵՐԸ

Էլեկտրոնային ավտոմատացված նախագծման, ինչպես նաև կիսահաղորդչային ինտեգրալ սխեմաների նախագծման ոլորտների համաշխարհային առաջատար Սինոփսիս ընկերությունն այսօր հայտարարեց, որ 20 մագիստրոս հաջողությամբ ավարտել է Սինոփսիսի և Մոսկվայի Էլեկտրոնային տեխնիկայի ինստիտուտի (ՄԵՏԻ) համատեղ կրթական ծրագիրը և այժմ պատրաստ է սկսել իր մասնագիտական կարիերան:

2006թ.-ին Սինոփսիսի աջակցությամբ ՄԵՏԻ-ն, Սինոփսիսի գործիքների և կրթական ծրագրերի հիման վրա, ստեղծեց միկրոէլեկտրոնիկայի ոլորտում առաջատար կրթություն ապահովող ժամանակակից մագիստրոսական կրթական ծրագիր: Ծրագրի նպատակն է, օգտագործելով Սինոփսիսի Էլեկտրոնային Նախագծման Ավտոմատացման (ԷՆԱ) գործիքները, Գերմեծ Ինտեգրալ Սխեմաների (ԳՄԻՍ) նախագծման ոլորտում բորձրորակ մասնագետներ պատրաստել: Երկու տարվա հետևողական ուսուցումից հետո այսօրվա շրջանավարտները համապատասխանում են միջազգային ճարտարագիտական բարձր ստանդարտներին:

Դիպլոմների հանձման հանդիսավոր արարողությանը Սինոփսիս ընկերության կորպորատիվ շուկայագիտության և ռազմավարական շուկաների զարգացման գծով փոխնախագահ, Սինոփսիս Արմենիա ընկերության գլխավոր գործադիր տնօրեն Ռիչ Գոլդմանը շնորհեց Սինոփսիսի ավարտական վկայականները, իսկ ՄԷՏԻ-ի ռեկտոր, Ռուսաստանի գիտությունների ակադեմիայի թղթ.անդամ, տ.գ.դ., պրոֆեսոր Յուրի Ալեքսանդրովիչ Չապլիգինը շնորհեց ՄԵՏԻ-ի ավարտական դիպլոմները:
Մագիստրական ծրագիրն իրականացվում է Սինոփսիս Արմենիա ՓԲԸ Ուսումնական Դեպարտամենտում ԳՄԻՍ նախագծման համար ստեղծված կրթական ծրագրով: Դասերն անց են կացվում Սինոփսիս-ՄԵՏԻ ուսումնական կենտրոնում, որտեղ էլեկտրոնային նախագծման ավտոմատացման լավագույն ծրագրային միջոցները մատչելի են յուրաքանչյուր ուսանողի: ՄԷՏԻ-ն ստացել է Սինոփսիսի էլեկտրոնային ավտոմատացված նախագծման համալսարանական ծրագրային գործիքների 20 ամբողջական փաթեթներ իրենց լիցենզիաներով: Ուսուցումն իրականացվում է Սինոփսիսի առաջատար մասնագետների եվ ՄԵՏԻ-ի դասախոսների հետ համատեղ:

«Սրանով սկիզբ է դրվում Ռուսաստանում ԻՍ նախագծման ոլորտի զարգացմանը: Մեր ուժեղ գործընկերոջ հետ միասին մենք հպարտ ենք այս 20 շրջանավարտներով, ովքեր գալիք տարիների բազմաթիվ շրջանավարտներից առաջինն են: Նրանք կօգնեն Ռուսաստանին ճանապարհ հարթել դեպի տեխնոլոգիայի զարգացման հաջորդ մակարդակ», - ասել է Ռիչ Գոլդմանը:

«Մեր համալսարանում մենք իրականացնում ենք տեղեկատվական տեխնոլոգիաների և էլեկտրոնիկայի բնագավառներում մասնագետների պատրաստմեն ծրագրերի լայն սպեկտր: ՄԷՏԻ – ում Սինոփսիսի կրթական ծրագրի մագիստրոսների առաջին խմբի թողարկումը արդյունքն է միջազգային թիմի ահռելի համատեղ աշխատանքի, որի արդյունքում թիմի յուրաքանչյուր մասնակից ձեռք բերեց մեծ փորձ և ես հուսով եմ, որ գոհ է ստացված արդյունքից: Վստահ եմ, որ մեր կրթական գործունեությունը կարևոր է ոչ միայն Ռուսաստանում բարձր տեխնոլոգիաների արդյունաբերության զարգացման, այլև մեր երկրների միջև գործընկերական հարաբերությունների և կապերի ամրապնդման համար» - ասել է Յուրի Ալեքսանդրովիչ Չապլիգինը:

Սինոփսիսը իր գործունեությունը Հայաստանում սկսել է 2004 թ.-ին, ՀՀ Կառավարության կողմից տեղեկատվական տեխնոլոգիաները (ՏՏ) երկրի զարգացման գերակա ուղղություն հռչակելուց անմիջապես հետո: Այն կիսահաղորդիչների էլեկտրոնային ավտոմատացված նախագծման ոլորտի համաշխարհային առաջատարն է: