«ՄԱԹԵՄԱՏԻԿԱ» ԱՌԱՐԿԱՅԻ ՄԻԱՍՆԱԿԱՆ ԼՐԱՑՈՒՑԻՉ ՔՆՆՈՒԹՅՈՒՆԻՑ 20 ՄԻԱՎՈՐ ՈՉ ՄԻ ԴԻՄՈՐԴ ՉԻ ՍՏԱՑԵԼ

«Մաթեմատիկա» առարկայի միասնական լրացուցիչ քննությանը մասնակցած 259 դիմորդների ստացած միջին միավորը եղել է 11.4, մինչդեռ «Մաթեմատիկա» առարկայի միասնական քննության մասնակցած 9859 դիմորդների ստացած միջին միավորը եղել է 15-ը: Այս տվյալները Panorama.am-ին հայտնեց ԳԹԿ մամուլի քարտուղար Գայանե Մանուկյանը:

«Մաթեմատիկայի» միասնական լրացուցիչ քննությունից անբավարար է ստացել 60 դիմորդ (23%), իսկ «Մաթեմատիկա» առարկայի միասնական քննությանից անբավարար էին ստացել 280 դիմորդ (2,8%): 17.5-19.75 միավոր է ստացել 36 դիմորդ (13,8%), այնինչ «Մաթեմատիկա» առարկայի միասնական քննությունից 18-19.75 է ստացել 1683 դիմորդ (17%): «Մաթեմատիկա» առարկայի միասնական լրացուցիչ քննությունից 20 միավոր ստացող չի եղել, իսկ «Մաթեմատիկա» առարկայի միասնական քննությունից 20 միավոր ստացել է 56 դիմորդ:

Նշենք, որ «Մաթեմատիկա» առարկայի միասնական լրացուցիչ քննությունը անցկացվել է հուլիսի 8-ին: