ԹՈՒՆԱՎՈՐՈՒՄՆԵՐ. ԻՍԿ ԵՐԵԽԱՆԵՐԸ, ԾՆՈՂՆԵՐԻՑ ԹԱՔՈՒՆ…

Ամառվա այս տապին ահագնանում է սննդամթերքներից թունավորվելու վտանգը: Սակայն այս ամառ թունավորումների աճ չի գրանցվել: Նորքի ինֆեկցիոն հիվանդանոցում այս օրերին հիվանդների հոսքը թույլատրելիի սահմաններում է և չի գերազանցում նախորդ տարվա ցուցանիշը: Ասացին` «թունավորումների քանակը քիչ է»:

Panorama.am-ը պարզեց, որ թունավորումներից հիմնականում տուժել են երեխաները. բժիշկներն ասում են, որ ծնողներից թաքուն երեխաները տարբեր ժամկետանց սննդամթերք են գնում բակերի խանութներից, ուտում, հետո խաղում, մրսում և այդպիսով մեծացնում հիվանդանալու հավանականությունը:

Ի դեպ, ամառվա տապին մասնագետները խորհուրդ են տալիս օրական 3-5 լիտր ջուր օգտագործել, խուսափել կրեմ պարունակող թխվածքաբլիթներից, արևահարված միրգ ու մթերք գնելուց և առանց լվանալու դրանք օգտագործելուց: