«ՀԻՆԳ ԱՍՏՂ» ՄՐՑՈՒՅԹՈՒՄ Ռ. ԱՄՅԱՆԸ ԱՌԱՋԻՆ ՄՐՑԱՆԱԿ Է ՍՏԱՑԵԼ

Երիտասարդ կատարողների «Հինգ աստղ» մրցույթում Հայաստանը ներկայացնող Ռազմիկ Ամյանն արժանացել է առաջին մրցանակի` այն կիսելով Ռուսաստանի ներկայացուցիչ «Կվատրո» խմբի հետ: SMS քվեարկությունների արդյունքում Ամյանը հավաքել է 199 միավոր: Իսկ գրան-պրին ստացել է Տաջիկստանի ներկայացուցիչը:

Մրցույթի արդյունքները հայտարարվել են երեկ Սոչիում տեղի ունեցած գալա համերգի ընթացքում: Տասնմեկ մասնակիցների շնորհվել է 15 պարգև:

Նշենք, որ 2008-ին երիտասարդ կատարողների «Հինգ աստղ» մրցույթին մասնակցել են նախկին ԽՍՀՄ երկրների 15 ներկայացուցիչներ: Մրցույթն անցկացվում է 2005 թվականից: