ԱՍՏՂԱԳԻՏԱԿԱՆ ՄԻՋԱԶԳԱՅԻՆ OԼԻՄՊԻԱԴԱ` ՆՎԻՐՎԱԾ Վ. ՀԱՄԲԱՐՁՈՒՄՅԱՆԻ ԾՆՆԴՅԱՆ 100-ԱՄՅԱԿԻՆ

ԵՊՀ-ին առընթեր Ա.Շահինյանի անվան ֆիզմաթ հատուկ դպրոցում մեկնարկեց ԱՊՀ երկրների դպրոցականների XI աստղագիտական օլիմպիադան, որը նվիրված է աշխարհահռչակ գիտնական, աստղաֆիզիկոս Վիկտոր Համբարձումյանի ծննդյան 100-ամյակին։ Օլիմպիադան շարունակվելու է Բյուրականի աստղադիտարանում և տևելու է մինչև սեպտեմբերի 26-ը:

Ինչպես տեղեկացանք ԿԳՆ տեղեկատվության և հասարակայնության հետ կապերի վարչությունից, օլիմպիադայի ծրագրում ընդգրկված են տեսական, գործնական և դիտողական փուլեր, գիտամշակույթային էքսկուրսիաներ, դասախոսություններ, դիտումներ։

Օլիմպիադայի հանձնաժողովի համանախագահներն են ՀՀ ԳԱԱ նախագահ, ակադեմիկոս Ռ.Մարտիրոսյանը և դպրոցականների աստղագիտության միջազգային օլիմպիադաների հանձնաժողովի նախագահ ՖՄԳԹ Մ. Գավրիլովը։

Օլիմպիադայի պաշտոնական բացումը տեղի կունենա սեպտեմբերի 20-ին: