ՍՏԱՆԻՍԼԱՎՍԿՈՒ ԱՆՎԱՆ ԹԱՏՐՈՆԻ 2 ԴԵՐԱՍԱՆԻ ՎԱՍՏԱԿԱՎՈՐ ԱՐՏԻՍՏԻ ԿՈՉՈՒՄ Է ՇՆՈՐՀՎԵԼ

Հայաստանի նախագահ Սերժ Սարգսյանը հոկտեմբերի 9-ին հրամանագիր է ստորագրել Կ. Ստանիսլավսկու անվան ռուսական պետական թատրոնի 70-ամյա հոբելյանի կապակցությամբ, թատերական արվեստի զարգացման, ինչպես նաև հայ-ռուսական մշակութային կապերի ամրապնդման գործում ներդրած նշանակալի ավանդի համար Կ. Ստանիսլավսկու անվան ռուսական պետական թատրոնի դերասանուհի Իրա Հարությունյանին և նույն թատրոնի դերասան Արման Ղազարյանին Հայաստանի Հանրապետության վաստակավոր արտիստի պատվավոր կոչում շնորհելու մասին: Այս մասին հայտնում են նախագահի մամուլի ծառայությունից: