«ՀԱՅԿԱԿԱՆ ՋԱԶ 70»-Ի ՇՐՋԱՆԱԿՆԵՐՈՒՄ ՎԱՂԸ ԵԼՈՒՅԹ ԿՈՒՆԵՆԱ ԱԼ ՋԵՐՐՈՆ

«Հայկական ջազ 70» նախագծի շրջանակներում, միայն մեկ համերգով, հայ հանդիսատեսին կներկայանա «Գրեմմիի» բազմակի մրցանակակիր, համաշխարհային ջազի գերաստղ Ալ Ջերրոն՝ «Լավ սոնգ» («Love songs») համերգային ծրագրով:

Համերգը տեղի կունենա Ալեքսանդր Սպենդիարյանի անվան օպերայի և բալետի ազգային ակադեմիական թատրոնում:

Նշենք, որ Ալ Ջերրոն իր երաժշտական կարիերան սկսել է եկեղեցիական երգչախմբում:

Երեք տարբեր ժանրերում՝ ջազ, փոփ և «առ ընդ բի», նա արժանացել է «Գրեմմի» երաժշտական մրցանակաբաշխության 7 մրցանակների: Իսկ 2001թ. Հոլիվուդի Փառքի ծառուղում նրա անունով աստղ է դրվել: