ԿՐԹԱԹՈՇԱԿԱՅԻՆ ԾՐԱԳՐԵՐՈՎ ԱՐՏԵՐԿՐՈՒՄ ՍՈՎՈՐՈՒՄ Է 90 ՀԱՅ ՈՒՍԱՆՈՂ

Կրթաթոշակային ծրագրերի շրջանակներում Ռուսաստանում սովորում է 76, Ռումինիայում` 6, Չինաստանում` 7, Սիրայում` 1 հայ ուսանող: Այս մասին Panorama.am-ին հայտնեց ԿԳՆ միջազգային համագործակցության և սփյուռքի վարչության պետ Վահե Գրիգորյանը:

Նրա խոսքերով, կրթաթոշակային ծրագրերն իրականացվում են միջպետական պայմանագրերի հիման վրա: Վերոնշյալ երկրները, հայ ուսանողների համար իրենց բուհերում սովորելու հայտերը ներկայացրել են ուսումնական տարվա սկզբին:

Վարչության պետը հայտնեց նաև, որ Հայաստանը նույնպես կրթաթոշակային տեղեր է հատկացնում արտերկրից ժամանած ուսանողներին: Օրինակ` այս տարի Հայաստանի մի շարք բուհերում կրթաթոշակային ծրագրերով սովորում է 30 ուսանող` Չինաստանից, Սիրիայից, Ռուսաստանից և Եգիպտոսից: