ԿՍՏԵՂԾՎԻ ՄԿՈՒ ԶԱՐԳԱՑՄԱՆ ԽՈՐՀՈՒՐԴ

Տեղի ունեցավ «Սոցիալական գործընկերությունը մասնագիտական կրթության, ուսուցման (ՄԿՈՒ) և զբաղվածության ոլորտում» նախագծի ամփոփիչ քննարկումը: Մոտ ժամանակներս այն նախատեսվում է ներկայացնել կառավարության հաստատմանը:
Նախագծի նպատակը աշխատաշուկա-կրթություն-աշխատաշուկա շղթայի օղակների սերտ համագործակցությունն ապահովելն է:

Դրանից հետո` որպես առաջին քայլ, նախատեսվում է ստեղծել ՄԿՈՒ զարգացման ազգային խորհուրդ:
Ինչպես Panorama.am-ին ասաց նախագիծն իրականացնող «Գլոբալ զարգացումներ» հիմնադրամի տնօրեն Արամ Ավագյանը, խորհուրդը գործելու է հավասար համագործակցության սկզբունքով:

«Նպատակ կա հավասար համագործակցության միջոցով սկսել աշխատանքները: Կառավարությունից խորհրդում ներկայացված կլինեն շահագրգիռ նախարարությունները` կրթության ու գիտության և աշխատանքի ու սոցիալական հարցերի նախարարությունները, ինչպես նաև` հանրապետությունում գործող երկու խոշոր ընկերություններ` «Գործատուների հանրապետական միությունն» ու «Առևտրաարդյունաբերական պալատը»: Այս կողմերն են, որ կարող են խնդրին լուծումներ առաջարկել»,-ասաց Ա. Ավագյանը: