ՄԱՀԱՑԵԼ Է ԳՐԱԿԱՆՈՒԹՅԱՆ ՆՈԲԵԼՅԱՆ ՄՐՑԱՆԱԿԱԿԻՐԸ

Լոնդոնում երեկ մահացել է գրականության Նոբելյան մրցանակի դափնեկիր, անգլիացի դրամատուրգ Հարոլդ Փինթերը: Ինչպես լրատվամիջոցներին հաղորդել է նրա կինը` Անտոնիա Փրեյզերը, Փինթերը մահացել է Ծննդյան տոների նախօրեին, 78 տարեկան հասակում, քաղցկեղի հետևանքով: «Ինձ համար մեծ պատիվ էր նրա հետ ապրել 33 տարի»,- ԻՏԱՌ-ՏԱՍՍ-ի հաղորդմամբ, ասել է նրա այրին:

Հարոլդ Փինթերը դերասան է, բեմադրիչ, պոետ և քաղաքական ակտիվիստ: Նկատենք, որ Փինթերը գրականության Նոբելյան մրցանակն ստացել է 2005-ին: Իր ստեղծագործական կյանքում նա ստեղծել է 29 դրամա: