ԱՐԴԵՆ ԸՆԴՈՒՆՎՈՒՄ ԵՆ «ԵՎՐԱՏԵՍԻԼ-2009-Ի» ԵՐԳԻ ՀԱՅՏԵՐԸ

Հայաստանի Հանրային հեռուստաընկերությունն արդեն ընդունում է «Եվրատեսիլ-2009» մրցույթին մասնակցելու համար երգերի հայտեր: Այդ մասին Panorama.am-ին հայտնեցին հեռուստաընկերության արտաքին կապերի բաժնից: Թե արդեն քանի հայտ են ստացել (հունվարի 13-ից սկսած) ու ինչ հայտնի անուններ կան, չցանկացան հրապարակել:

Նաև տեղեկացրեցին, որ ինչպես նախորդ տարի, այս տարի էլ Եվրատեսիլի պահանջներին համապատասխանող երգերը կանցեն ընտրական փուլ, որտեղ էլ SMS քվեարկության միջով իր ընտրությունը կկատարի Հայաստանից հանդիսատեսը` հավանաբար փետրվարին:

Հիշեցնենք, «Եվրատեսիլ-2009» երգի միջազգային մրցույթն անցկացվելու է մայիսի 1-16-ը Մոսկվայում: