ՀԱԿԱՀԱՅԿԱԿԱՆ ՈՒ ՀԱԿԱԳԻՏԱԿԱՆ ԴԱՍԱԳՐՔԻ ԴԵՄ

Բրյուսելից մի խումբ հայ ուսանողներ տեղեկատվություն են տարածել, որի համաձայն, պահանջում են, որ Հայոց պատմության դասագրքերն ու ձեռնարկները նույնը լինեն թե՛ Հայաստանի, թե՛ սփյուռքի ուսանողների համար:

Հայտարարության մեջ, մասնավորապես, ասվում է. «Կա միայն մեկ Հայոց պատմություն: Մենք պահանջում ենք, որ հայ ուսանողությունը թե՛ Հայաստանում, թե՛ սփյուռքում ունենա հայոց պատմության նույն դասագիրքը, որը ճշմարիտ և գիտական ազնվությամբ կներկայացնի մեր պատմությունը: Հայաստանն է հայագիտության կենտրոնը, և մենք պահանջում ենք, որ ԱՄՆ-ում հայագիտական որևէ դասագիրք նախապես քննություն անցնի և հաստատվի Հայաստանի գիտությունների ակադեմիայի կողմից:

Մենք՝ ներքո ստորագրյալներս, ԱՄՆ-ի համալսարանների գիտական խորհուրդներից պահանջում ենք շրջանառությունից հանել «Հայ ժողովուրդը հնագույն ժամանակներից մինչև մեր օրերը» հակագիտական և հակահայկական դասագիրքը»: