ՆՈՐ ԾԱՌԱՅՈՒԹՅՈՒՆ ՎԻՎԱՍԵԼ-ՄՏՍ-ԻՑ

Փետրվարի 6-ից ՎիվաՍել-ՄՏՍ-ի հետվճարային և կանխավճարային բաժանորդները հնարավորություն ունեն վերալիցքավորել իրենց հաշիվը կամ վճարել ծառայությունների համար Ռուսաստանում գտնվելու ժամանակ Ինտերկոոպ բանկի բանկոմատների և էլեկտրոնային վճարման տերմինալների միջոցով: Այդ մասին տեղեկացնում են ընկերության մամուլի ծառայությունից:

Այսուհետև բաժանորդները կարող են վճարումներ կատարել Մոսկվայում և մերձմոսկովյան տարծքներում տեղակաված 451 կետերում` բանկոմատներ և տերմինալներ: ՎիվաՍել-ՄՏՍ-ի բաժանորդները հրաշալի հնարավորություն ունեն վճարել ծառայությունների համար օրվա ցանկացած ժամի, ինչպես նաև վերալիցքավորել իրենց հաշիվները 10-ից մինչև 5000 ռուսական ռուբլի անվանական արժեքով թղթադրամներով` յուրաքանչյուր վճարում իրականացնելու ժամանակ (մեքենաները մաքսիմում 30000 ռուբլի են ընդունում): Միջնորդավճարը` 5%:

Առաջին անգամ հայաստանցի ռոումինգից օգտվող բաժանորդները կարող են նման հարմար ծառայությունից օգտվել. ՎիվաՍել-ՄՏՍ-ն առաջիկայում կընդլայնի այս ցանցը և կներառի ԱՊՀ այլ պետություններ ևս: