ՀՈՎՀԱՆՆԵՍ ԱՅՎԱԶՈՎՍԿՈՒ ԿՏԱՎՆ ԱՄԵՆԱԹԱՆԿՆ Է ԼԻՆԵԼՈՒ

Հովհաննես Այվազովսկու «Կոլումբոսի մեկնումը Փալոսից» կտավը նյույորքյան Sotheby's աճուրդային տանը ապրիլի 21-ին տեղի ունեցող ռուսական վաճառքում ամենաթանկն է լինելու` 1,5-2 միլիոն դոլար:

Այս կտավը` «Նոր աշխարհի հայտնաբերումը» շարքից երրորդն է: Երկուսը վաճառվել են դեռևս 2006-ին և 2008-ին:
Աճուրդի են հանված լինելու նաև ռուս հայտնի նկարիչ Բորիս Գրիգորևի ստեղծագորությունը, դեկորատիվ-կիրառական արվեստի նմուշներ:

Sotheby's-ում ռուսական վերջին վաճառքը տեղի է ունեցել 2008-ի նոյեմբերին: BBC News-ի տվյալներով, եռօրյա աճուրդը բերել է մոտ 25 միլիոն ֆունտ ստերլինգ (38 միլիոն դոլար): Փորձագետները կանխատեսում են, որ այս վաճառքը կբերի 30 միլիոն ֆունտ ստերլինգ: