ՅՈՒՆԵՍԿՕ-Ն ՀԱՅԿԱԿԱՆ ԴՈՒԴՈՒԿԻ ԵՐԱԺՇՏՈՒԹՅՈՒՆԸ ՀՌՉԱԿԵԼ Է ԳԼՈՒԽԳՈՐԾՈՑ

Հայաստանի ժողովրդական արվեստի պետական թանգարանում մարտի 31-ին տեղի է ունենալու «Հայկական դուդուկի երաժշտությունը» կայքի շնորհանդեսը: Այս մասին Panorama.am-ին հայտնեց մշակույթի նախարարության հասարակայնության հետ կապերի բաժնի պետ Գայանե Դուրգարյանը:

ՅՈՒՆԵՍԿՕ-ի «Մարդկության ոչ նյութական մշակութային ժառանգության գլուխգործոցների հռչակում» ծրագրով գլուխգործոց է հռչակել հայկական դուդուկի երաժշտությունը և ստեղծվել է կայք` ՅՈՒՆԵՍԿՕ-ի և «Ի նպաստ մարդկության ոչ նյութական մշակութային արժեքների պահպանման և տարածման ճապոնական հիմնադրամի» ֆինանսավորմամբ:

Ըստ նրա, կայքի շնորհանդեսի առթիվ Հայաստան են ժամանելու ՅՈՒՆԵՍԿՕ-ի մոսկովյան, փարիզյան գրասենյակների ներկայացուցիչները:

Շնորհանդեսն ուղեկցվելու է համերգային ծրագրով` Գևորգ Դաբաղյանի, Գուրգեն Դաբաղյանի, Աննա Մայիլյանի, Կարինե Հովհաննիսյանի մասնակցությամբ: