ԻՆՏԵՐՆԵՏԻ ՎԵՐԱԿԱՆԳՄԱՆ ԱՇԽԱՏԱՆՔՆԵՐԸ ՇԱՐՈՒՆԱԿՎՈՒՄ ԵՆ

16.00-ից մայրաքաղաքում շատ ընկերություններ ինտերնետ կապ չունեն: Ինտերնետ կապ տրամադրող «FibarNet Communication» ընկերության մամուլի քարտուղար Միքայել Բալայանը Panorama.am-ի թղթակցին ասաց, որ վթարի հստակ պատճառը իրենք դեռ չգիտեն:

«Տեղյակ ենք, որ Արագածոտնի հատվածում` «Արտենի», «Արագած» կայարանների մոտակայքում ընթանում են երկաթգծի վերանորոգման աշխատանքներ, սակայն սա դեռ հստակ չգիտենք: Գիտենք, որ օպտիկայի մալուխը վնասվել է, և մեր մասնագետները մեկնել են տեղում վերականգնելու վթարը: Հույս ունենք, որ մի երկու ժամից կապը կլինի»,-ասաց պարոն Բալայանը: