«ԱՐՄԵՆՏԵԼ»-Ը ԵՎՍ ՄՏԱԴԻՐ ՉԷ ԲԱՐՁՐԱՑՆԵԼ ԻՐ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԸ

«ԱրմենՏել» հեռահաղորդակցական ընկերությունը ֆինանսատնտեսական ճգնաժամի պայմաններում չի նախատեսում բարձրացնել իր մատուցած ծառայությունների սակագները: Այդ մասին լրագրողների հետ հանդիպման ժամանակ ասաց ընկերության գլխավոր տնօրեն Նեյչո Վելիչկովը:

Նա նշեց, թե այն ընկերությունները, որոնք չեն նախապատրաստվել տնտեսական ճգնաժամին, կարող են շատ լուրջ խնդիրների բախվել: Ն. Վելիչկովի խոսքով, սակագների վերանայում հնարավոր է միայն տնտեսական իրավիճակի կտրուկ փոփոխության դեպքում:

Նշենք, որ ավելի վաղ «ՎիվաՍելլ-ՄՏՍ» ընկերությունը հայտարարել էր, որ մտադիր չէ բարձրացնել իր կողմից մատուցվող ծառայությունների գները: