ՌՈԲՈՏՆԵՐԻ ԲԱՑ ԱՌԱՋՆՈՒԹՅՈՒՆ ԵՐԵՎԱՆՈՒՄ

Հոկտեմբերի 3-5 Երևան քաղաքում «Ինֆորմացիոն տեխնոլոգիաների ձեռնարկությունների միությունը» Հայաստանի Հանրապետության վարչապետի բարձր հովանու ներքո կազմակերպում է «ArmRobotics 2009» ռոբոտների բաց առաջնություն:

Սփյուռքի նախարարության մամուլի և հասարակայնության հետ կապերի վարչությունից հայտնեցին, որ մրցույթը նախատեսված է ուսանողների համար: Նպատակն է համախմբել երիտասարդ գիտնականներին, ներգրավել սփյուռքի գիտական ներուժը, զարգացնել թիմային մտածելակերպը, խթանել նոր տեխնոլոգիաների մուտքը Հայաստան:

Մրցույթի եզրափակիչ փուլը կանցկացվի 2009թ.-ի հոկտեմբերի 3-5 Տեղեկատվական, հեռահաղորդակցման և բարձր տեխնոլոգիաների «Digitec2009» ամենամյա միջազգային ցուցահանդեսների շրջանակներում: