ՀԱՅԱՍՏԱՆԸ` «ԼՈՄՈՆՈՍՈՎ 2009-Ը» ՄԻՋԱԶԳԱՅԻՆ ԳԻՏԱԺՈՂՈՎՈՒՄ

«Լոմոնոսով 2009» 16-րդ Միջազգային գիտաժողովն այսօր կմեկնարկի Մ.Լոմոնոսովի անվան Մոսկվայի պետական համալսարանի Ֆունդամենտալ գրադարանում: Գիտաժողովը կազմակերպված է ուսանողների, ասպիրանտների և երիտասարդների համար, որը նվիրված է Երիտասարդների տարվան ԱՊՀ-ում:

Հայաստանից, այս տարի գիտաժողովին կմասնակցի մոտ 60 ուսանող և ասպիրանտ: «Լոմոնոսով 2009» -միջազգային գիտաժողովին մասնակցելու համար գրանցվել է ավելի քան 12 հազ. երիտասարդ գիտնական, Ռուսաստանի շրջաններից, ԱՊՀ երկրներից:

Ինչպես տեղեկացնում են ռուսական լրատվամիջոցները, գիտաժողովն անցկացվում է ԱՊՀ մասնակից պետությունների Հումանիտար համագործակցության միջպետական հիմնադրամի աջակցությամբ: «Լոմոնոսով» միջազգային երիտասարդական գիտական ֆորումն անցկացվում է յուրաքանչյուր տարի: Ծրագրում ընդգրկված են դպրոցականների օլիմպիադաներ, կոնֆերանսներ, գիտական աշխատանքների մրցույթներ և երիտասարդ գիտնականների նորարարական նախագծեր:

Գիտաժողովը կավարտվի ապրիլի 17-ին, երբ կամփոփվեն աշխատանքների արդյունքները և կպարգևատրվեն լավագույն զեկույցների հեղինակները: