Ամենից շատ կարդացված նյութեր

13:00 13/05/2009

Ս. ՍԱՐԳՍՅԱՆԸ ՀԱՅՐԵՆԱԿԱՆ ԱՐՏԱԴՐՈՂՆԵՐԻՆ ԻՆՔՆԱՎՍՏԱՀՈՒԹՅԱՆ ԿՈՉ ԱՐԵՑ

Հայաստանի նախագահ Սերժ Սարգսյանը հայրենական արտադրողներից ակնկալում է նրանց վստահությունը իրենց ուժերի և հավատը ապագայի հանդեպ: Ստեղծված տնտեսական ճգնաժամի պայմաններում դա երկրի նախագահը համարում է ամենակարևոր օժանդակությունը` ուղղված պետությանը:

«Իրականացված առանձին ուսումնասիրությունները ցույց են տալիս, որ այսօր մեր բնակիչներն առավել վստահ ու լավատես են ճգնաժամի հաղթահարման հարցում, քան գործարարները: Հասկանում եմ, որ գործարարը միայն իր համար չէ, որ մտահոգվում է, բայց նաև կարծում եմ, որ ճիշտ տրամադրվածությունը էական է հաջողության հասնելու համար»,-ասաց Ս. Սարգսյանը` ելույթ ունենալով կառավարության ընդունելությունների տանն անցկացվող Հայաստանի արդյունաբերողների և գործարարների (գործատուների) միության 5-րդ համագումարի ժամանակ:

Ս. Սարգսյանն ասաց, որ վստահում է գործարարների ուժերին ու ևս մեկ անգամ ինքնավստահության կոչ արեց նրանց:

Placeholder