ԱԶՆԱՎՈՒՐԻ 85-ԱՄՅԱԿԻ ՄԻՋՈՑԱՌՈՒՄՆԵՐԻ ՇԱՐՔԸ ՄԵԿՆԱՐԿԵԼ Է

Ալեքսանդր Սպենդիարյանի անվան օպերայի ու բալետի ազգային ակադեմիական թատրոնում նախօրեին մեկնարկել է աշխարհահռչակ շանսոնյե Շառլ Ազնավուրի 85-ամյակին նվիրված համերգային ծրագիրը, որին ներկա էր նաև հանրապետության նախագահ Սերժ Սարգսյանը: 

Միջոցառմանը  մասնակցում էին  Աիդա Ազնավուր-Կառվարենցը` Ազնավուրի քույրը, Սեդա Ազնավուրը` նրա դուստրը, ֆրանսահայ երգչուհի Լիզ Սարյանը և վերջինիս ամուսին Տելեմակ Քավեզյանը, ով Ֆրեդերիկ Մանուկյանի հետ միասին գլխավորում է հայաստանցի ու ֆրանսիացի երաժիշտներից կազմված նվագախումբը:

Նշենք, որ Շ. Ազնավուրի 85-ամյակին նվիրված համերգաշարը կրում է «Քեզ համար, Հայաստան» խորագիրը: Այն մեկնարկել է մայիսի 17-ին ու շարունակվելու է մինչև մայիս 22-ը:

Հիշեցնենք, որ շանսոնյեի 85-ամյակը լրանում է մայիսի 22-ին: