ԽՈԶԻ ԳՐԻՊԻՑ ՄԱՀԱՑԵԼ Է 74 ՄԱՐԴ

Մայիսի 18-ի ժամը 18-ի տվյալներով աշխարհի 40 երկիր պաշտոնապես հայտարարել է, որ Ա գրիպով՝ H1N1-ով, վարակվել է 8829 մարդ՝ որոնցից 74-ը մահացել են: Այս մասին տեղեկացնում է Առողջապահության համաշխարհային կազմակերպությունը:

Մեքսիկայի իշխանությունները հայտարարել են Ա գրիպով վարակի 3103 դեպքի մասին: Երկրում նոր վարակից մահացել է 68 մարդ: Մեկ օրվա ընթացքում վարակի աճը կազմել է 208 դեպք, որոնցից 2-ը՝ մահացու ելքով:

ԱՄՆ-ի առողջապահության պետական դեպարտամենտը լաբորատոր հաստատել է Ա գրիպի 4714 դեպք, ներառյալ՝ գրանցված 4 մահացու ելքով ավարտված դեպքերը: Կանադայում գրանցվել է 496 վարակի դեպք, մեկը՝ մահացու ելքով, Կոստա-Ռիկայում՝ 9 դեպք, 1-ը՝ մահացում, իսկ Չինաստանում՝ 6-ը, որից մեկը կրկին մահացու ելք է ունեցել:

Բացի այդ, ԱՀԿ-ի տվյալներով, Ա. Գրիպի վարակի դեքեր, առանց մահացու ելքի, հայտնավերվել են նաև մի շարք այլ երկրներում: Ավստրալիայում գրանցվել է վարակի 1, Ավստրիայում՝ 1, Արգենտինայում՝ 1, Բելգիայում՝ 5, Բրազիլիայում՝ 8, Մեծ Բրիտանիայում՝ 101, Գվատեմալայում՝ 3, Գերմանիայում՝ 14, Դանիայում՝ 1, Իսրայելում՝ 7, Հնդկաստանում՝ 1, Իսպանիայում՝ 103, Իռլանդիայում՝ 1, Իտալիայում՝ 9, Կոլումբիայում՝ 11, Կուբայում՝ 3, Մալազիայում՝ 2, Նիդերլանդներում՝ 3, Նոր Զելանդիայում՝ 9, Նորվեգիայում՝ 2, Պանամայում՝ 54, Պերուում՝ 1, Լեհաստանում՝ 1, Պորտուգալիայում՝ 1, Կորեայի Հանրապետությունում՝ 3, Սալվադորում՝ 4, Թաիլանդում՝ 2, Թուրքիայում՝ 2, Ֆինլանդիայում՝ 2, Դրանսիայում՝ 14, Չիլիում՝ 1, Շվեյցարիայում՝ 1, Շվեդիայում՝ 3, Էկվադորում՝ 1 և Ճապոնիայում՝ 123 դեպք:

Վերջին օրվա ընթացքում հիվանդության նոր դեպքեր են գրանցվել Բելգայում՝ 1, Մեծ Բրիտանիայում՝ 19, Չինաստանում՝ 1, Մեքսիկայում՝ 208, Թուրքիայում՝ 1, Չիլիում՝ 1 և Ճապոնիայում՝ 118: ԱՀԿ-ն կրկին չի խրախուսում զբոսաշրջիկներին այցելել այն երկրներ, որտեղ գրանցված է H1N1-ը՝ Ա գրիպը: