ՎԻՎԱՍԵԼ-ՄՏՍ-Ն ՈՒ ՀՊՏՀ-Ն ՀԱՄԱԳՈՐԾԱԿՑԵԼՈՒ ԵՆ ՄԻՄՅԱՆՑ ՀԵՏ

ՎիվաՍել-ՄՏՍ ընկերության և Հայաստանի պետական տնտեսագիտական համալսարանի միջև համաձայնություն է կայացել, ըստ որի բուհի ուսանողները հնարավորություն կունենան իրենց արտադրական պրակտիկան անցկացնել ընկերությունում, ինչպես նաև բարձր գիտելիքներ ունեցող ուսանողներն ընկերությունում կտեղավորվեն աշխատանքի: Այս մասին լրագրողներին հայտնեց համալասարանի ռեկտոր Յուրի Սուվարյանը:

Նշենք, որ այսօր ՎիվաՍել-ՄՏՍ-ի գլխավոր տնօրեն Ռալֆ Յիրիկյանը հյուրընկալվել էր Հայաստանի պետական տնտեսագիտական համալսարանում, որտեղ նա դասախոսություն կարդաց ընկերության գործունեության, կառավարման մշակույթի և կորպորատիվ քաղաքացիության մասին:

«Ըստ համագործակցության պայմանագրի, ընկերությունն ու բուհը համատեղ իրականացնելու են գիտահետազոտական աշխատանքներ, նպաստելու է կադրերի որակի մակարդակի բարձրացմանը, և ընդհանրապես` պետութան որակի բարձրացմանը»,- ասաց Յ. Սուվարյանը: