ՀՈՒՆԱՍՏԱՆԸ ՀԱՍՏԱՏԵԼ Է H1N1-Ի ՄԻԱՅՆ ՄԻ ԴԵՊՔԸ

Հունաստանը երկրի տարածքում Ա գրիպի՝ H1N1-ի, միայն մեկ դեպքն է հաստատել նախօրոք հայտարարված երեքից: Այս մասին պաշտոնապես հայտրարել է երկրի առողջապահության նախարաությանը կից վերահսկման և խանխարգելման կենտրոնը:

Ռուսական լրատվամիջոցների տեղեկացմամբ` գրիպի բոլոր կասկածելի տարբերակները հետազոտելուց հետո պարզվել է, որ բոլոր արդյունքները բացասական են եղել, բացի 21-ամյա ուսանողի հետազոտությունից: Վերջին Հունաստան էր ժամանել Մեծ Բրիտանիայից՝ Էդինբուրգից: Երիտասարդը ներկայում բուժում է ստանում Սալոնիկի հիվանդանոցներից մեկում և բժիշկների տեղեկացմամբ, նա ջերմություն չունի, իսկ ինքնազգացողությունը «նորմալ է»:

Նշենք, որ Առողջապահության համաշխարհային կազմակերպության (ԱՀԿ) տվյալների համաձայն, մայիսի 27-ի դրությամբ, 48 երկրներում հաստատվել է 13,398 Ա գրիպով հիվանդ: Հիվանդներից 95-ը մահացել են: