Հ. ՔՈՒՇԿՅԱՆ. «ՄԻ ՔԱՅԼ ԱՌԱՋ ԸՆՏՐՈՒԹՅՈՒՆՆԵՐ ԵՆ ԼԻՆԵԼՈՒ»

Կենտրոն համայնքի թիվ 10/29 ընտրատեղամասում այսօր ավագանու ընտրությանը մասնակցեց ԲՀԿ-ի ավագանու ընտրությունների ցուցակը գլխավորող Հարություն Քուշկյանը: Ընտրություն կատարելուց հետո նա լրագրողների հետ զրույցում նշեց, որ և հույս ունի և համոզված է, որ մի քայլ առաջ ընտրություններ են լինելու, ազնիվ և մաքուր, որը շատ կարևոր է բոլորիս համար: Նա նշեց, որ իր օրը անցկացնելու է ԲՀԿ-ի շտաբում: Դժվար չի լինելու ընտրվելու դեպքում հրաժարվել առողջապահական ոլորտից հարցին, նա պատասխանեց. «տեսնենք ինչ կլինի, դեռ կորոշենք»,- հավելեց նա:

Թիվ 10/29-ը ընտրատեղամասի տեղական ընտրական հանձնաժողովի նախագահ Արմեն Թամիրյանը նշեց, որ այս պահի դրությամբ ընտրությանը  մասնակցել է 130 մարդ, իսկ ընտրատեղամասում հաշվառված են 1415 ընտրող: Նա հավաստիացրեց, որ մինչ այժմ որևէ արտառոց դեպք չի նկատվել և ընտրողների հոսքը նորմալ է: