ՄԵԿՆԱՐԿԵՑ «ՕՏԱՐ ԼԵԶՎԻ» ՄԻԱՍՆԱԿԱՆ ՔՆՆՈՒԹՅՈՒՆԸ

Այսօր Հանրապետությունում մեկնարկել է «Օտար լեզվի» միասնական քննությունը:

ՀՀ Կրթության և Գիտության նախարար Արմեն Աշոտյանն այսօր «Օտար լեզվի» միասնական քննությունը քննությունների ընթացակարգին ծանոթանալու համար այցելել է Վանաձորի թիվ 5 և 6 միջնակարգ դպրոցներ: Նշենք, որ մինչ այդ, այսօր նախատեսված էր նրա այցը Արմավիր քաղաք, սակայն մամուլում տեղ գտած հրապարակումներին և ծնողների բողոքներին արձագանքելով` նախարարը որոշեց տեղում ծանոթանալ Վանաձորում տիրող իրավիճակին:

«Օտար լեզվի» միասնական քննությունն  անցկացնելու համար այսօր հանրապետության տարածքում գործում է 36 քննական կենտրոն: Անգլերենից միասնական քննություն հանձնելու համար նախապես հայտագրվել է 8220 դիմորդ, գերմաներենից` 534, ֆրանսերենից` 443, իսպաներենից` 18, իտալերենից`10, պարսկերենից` 2 դիմորդ: