ԱՀԿ-Ն ՊԱՇՏՈՆԱՊԵՍ ՀԱՅՏԱՐԱՐԵԼ Է «ԽՈԶԱԳՐԻՊԻ» ՀԱՄԱՃԱՐԱԿԻ ՄԱՍԻՆ

Առողջապահության համաշխարհային կազմակերպությունը որոշել է բարձրացնել A/H1N1 վիրուսի դեմ պայքարի մակարդակը` հինգերորդից հասցնելով վեցերորդ` ամենավերին մակարդակի: «Աշխարհը 2009-ի նոր վիրուսի համճարակի մեկնարկն է ապրում», - ինչպես տեղեկանում ենք Առողջապահության համաշխարհային կազմակերպության կայքէջից, հայտարարել է ԱՀԿ ղեկավար Մարգարետ Չանը:

Այսպիսով, ԱՀԿ փորձագետները հաստատում են, որ վիրուսի տարածումը համաճարակային բնույթ է ստացել:

Մարգարետ Չանի խոսքով, Վիրուսը հեշտորեն տարածվում է մի մարդուց մյուսին, մի երկրից մյուս երկիր է ներխուժում, և արդյունքում մինչ այժմ 74 երկրում գրանցվել է 30.000 վարակի դեպք:

Նկատենք, որ սա առաջին պաշտոնական համաճարակն է վերջին 40 տարվա ընթացքում: