ՉԻՆԱՍՏԱՆՈՒՄ Ա ԳՐԻՊՈՎ ՀԻՎԱՆԴ Է ԱՎԵԼԻ ՔԱՆ 1.5 ՀԱԶԱՐ ՄԱՐԴ

Չինաստանում Ա գրիպով հիվանդների պաշտոնական գրանցված թիվը կիրակի երեկոյի տվյալներով գերազանցել է 1.5 հազարը: Երկրում խոզի գրիպով հիվանդացել կամ վարակվել է 1 502 մարդ:

Ռուսական լրատվամիջոցների հաղորդմամբ՝ այս մասին տեղեկացրել է Չինաստանի առողջապահության նախարարությունը:

Հիվանդացության ամենաշատ դեպքերը գրանցվել են Հոնկոնգում, որտեղ H1N1-ով հիվանդ է 695 մարդ: Թայվանում գրանցվել է հիվանդության 60 դեպք, Մակաոյում՝ 18: Մայրցամաքային Չինաստանում գրանցվել է 729 դեպք:

Նշենք, որ հիվանդությունն ամենից շատ «հարվածել է» հարավային արվարձան Գուանդունին, որտեղ գրանցվել է հիվանդության 233 դեպք: