Ամենից շատ կարդացված նյութեր

10:59 30/06/2009

ԳԻՏԱԺՈՂՈՎ. ԿՔՆՆԱՐԿԵՆ ՀԱՏՈՒԿ ԿՐԹՈՒԹՅԱՆ ԲԱՐԵՓՈԽՈՒՄՆԵՐԻ ՀԵՌԱՀԱՐ ՆՊԱՏԱԿՆԵՐԸ

Կրթության և գիտության նախարարությունը և «Հույսի կամուրջ» հասարակական կազմակերպությունը հուլիսի 1-ից 2-ը Երևանում կազմակերպում են միջազգային գիտաժողով` «Հատուկ կրթության բարեփոխումների հեռահար նպատակները. նոր հայացք, նոր մոտեցումներ» խորագրով: Այս մասին հայտնեցին «Հույսի կամուրջ» ՀԿ-ից:

Լատվիայից, Սերբիայից, Հունգարիայից, Չեխիայի հանրապետությունից ժամանած հյուրերը երկու օրվա ընթացքում հայաստանյան մասնագետների հետ համատեղ կքննարկեն հատուկ կրթության խնդիրներն ու բարեփոխման ուղիները:
Ավելի քան 120 հրավիրված մասնագետներ կծանոթանան մասնակից երկրների Ազգային զեկույցներին, միջազգային կազմակերպությունների փորձին, ինչպես նաև հասարակական կազմակերպությունների իրականացրած ծրագրերին ու ձեռքբերումներին: Գիտաժողովի ընթացքում կկազմակերպվեն նաև խմբային թեմատիկ քննարկումներ ոլորտի մասնագետների ղեկավարությամբ:

Ծրագիրը ֆինանսավորվում է Բաց հասարակության ինստիտուտի օժանդակության հիմնադրամի հայկական մասնաճյուղի կողմից տրամադրած դրամաշնորհով: Միջազգային գիտաժողովի կազմակերպմանը օժանդակել է ՄԱԿ-ի մանկական հիմնադրամը:

Placeholder