ԽՈԶԻ ԳՐԻՊԻ ԱՌԱՋԻՆ ԶՈՀԸ ԻՍՊԱՆԻԱՅՈՒՄ. ԿԻՆԸ ՀՂԻ ԷՐ

Այսօր առավոտյան Իսպանիայում A/H1N1 վիրուսից առաջին զոհն է գրանցվել: Այս մասին հաղորդել է Իսպանիայի Ազգային հեռուստաընկերությունը, որին մեջբերում են արտասահմանյան լրատվամիջոցները:

Հիվանդության զոհ է դարձել 20-ամյա մի կին, ով նախորդ շաբաթ ծանր վիճակում տեղափոխվել էր հիվանդանոց: Կինը 28 շաբաթական հղիություն է ունեցել: Երկուշաբթի նրան կեսարյան հատում են արել, երեխան ծնվել է առողջ, նրա կյանքին վտանգ չի սպառնում:

Նշենք, որ Իսպանիայում գրանցված է A/H1N1 վիրուսով վարակված 542 մարդ: