«ԱՐՄԵՆՏԵԼ»-Ը ՏՈՒԳԱՆՎԵՑ 8 ՄԼՆ ԴՐԱՄՈՎ

Հանրային ծառայությունները կարգավորող հանձնաժողովը տուգանել է «ԱրմենՏել» հեռահաղորդակցական ընկերությանը 8 մլն դրամի չափով: Հանձնաժողովի որոշման համաձայն, ընկերությունը տուգանվել է, քանի որ տարբեր պատճառաբանություններով 2007-ին հրաժարվել է հանրային էլեկտրոնային հաղորդակցության ցանցերով ելքային ձայնային ծառայությունների մատուցել մի քանի պրովայդերների:

Այդ ժամանակ ընկերությանը դիմել են միաժամանակ մի քանի պրովայդերներ` այդ ծառայությունը տրամադրելու առաջարկով, իսկ «ԱրմենՏել» ընկերությունը չի կարողացել կատարել պատվերը:

Երկու շաբաթվա ընթացքում «ԱրմենՏել» ընկերությունը պետք է պետական բյուջե փոխանցի 8 մլն դրամ, և հանձնաժողովին ներկայացնի վճարման վերաբերյալ փաստաթղթեր: