ՄԵԿՆԱՐԿԵԼ Է «ԳԼՈԲԱԼ ՃԳՆԱԺԱՄԻ ԱԶԴԵՑՈՒԹՅՈՒՆԸ ՀԱՅԱՍՏԱՆԻ ՎՐԱ. ԹԵՄԱՅՈՎ ԳԻՏԱԺՈՂՈՎԸ

Այսօր առավոտյան Երևանում մեկնարկել է «Գլոբալ ճգնաժամի ազդեցությունը Հայաստանի վրա. կարճաժամկետ և երկարաժամկետ հեռանկարներ» թեմայով միջազգային գիտաժողովը: Միջոցառումը կազմակերպել է Հայկական միջազգային տնտեսական հետազոտությունների խումբը (AIPRG)` այն կանցկացվի հուլիսի 7-8-ը: Գիտաժողովի մուտքն ազատ է:

Գիտաժողովի նպատակն է քննարկել Հայաստանի վրա գլոբալ ճգնաժամի ազդեցությունը, ինչպես նաև ճգնաժամի հետևանքները հաղթահարելու առաջարկները:

Գիտաժողովում զեկուցումներով հանդես են գալիս Համաշխարհային բանկի, Եվրահանձնաժողովի, ՄԱԿ–ի Զարգացման ծրագրի, Արժույթի միջազգային հիմնադրամի, ԵԱՀԿ–ի, Ասիական զարգացման բանկի առաջատար տնտեսագետներ, ինչպես նաև ՀՀ Կառավարության և մասնավոր ընկերությունների ներկայացուցիչներ։