ԼԱՈՒՐԱ ՀԱՅՐԱՊԵՏՅԱՆԻ «ԲԱՐՍԵԼՈՆԱ»-Ն` «ՄԱՆԿԱԿԱՆ ԵՎՐԱՏԵՍԻԼՈՒՄ»

«Մանկական Եվրատեսիլ 2009»-ում Հայաստանը ներկայացնելու է Լաուրա Հայրապետյանը,  իր «Բարսելոնա» («Barcelona») երգով:

Հուլիսի 11-ին տեղի ունեցած երկրորդ նախընտրական փուլի արդյունքների համաձայն (ժյուրիի և հաղորդագրությունների քվեարկությամբ` 50x50), առավելագույն միավորներ հենց Լ. Հայրապետյանը հավաքեց: Նրա հետ մրցում էին ևս 6 հեղինակ-կատարողներ:

Հիշեցնենք, որ «Մանկական Եվրատեսիլ 2009»-ը կանցկացվի նոյեմբերի 21-ին` Կիևում: Մրցույթին մասնակցելու են 13 երկիր՝ Հայաստանը, Ռուսաստանը, Բելառուսը, Վրաստանը, Բելգիան, Կիպրոսը, Մալթան, Մակեդոնիան, Ռումինիան, Սերբիան, Հոլանդիան, Շվեդիան, Ուկրաինան:

«Մանկական Եվրատեսիլ» երգի մրցույթն անցկացվում է 2003 թվականից: Մրցույթին մասնակցում է Եվրոպական հեռարձակողների միության անդամ-երկրներից մեկական ներկայացուցիչ: Մրցույթին կարող են մասնակցել 10-15 տարեկան երեխաներ: