ԳԵՐՄԱՆԻԱՆ ՀԱՅԱՍՏԱՆԻՆ ԿՏՐԱՄԱԴՐԻ 20 ՄԼՆ ԵՎՐՈ` ՀԻՊՈԹԵՔԱՅԻՆ ՇՈՒԿԱՅԻ ԶԱՐԳԱՑՄԱՆ ՀԱՄԱՐ

Գերմանիան Հայաստանին կտրամադրի 20 մլն եվրո հիպոթեքային շուկայի զարգացման համար: Միջոցները կտրամադրվեն գերմանական «KfW» բանկի միջոցով:

Ինչպես այսօր լրագրողների հետ հանդիպման ժամանակ հայտնեց ԿԲ նախագահ Արթուր Ջավադյանը, վարկի տրամադրման համար միջկառավարական պայմանագիրը կկնքվի Բոնում, ուր ԿԲ ղեկավարը կուղևորվի վաղը` կառավարական պատվիրակության հետ:

Ըստ Ջավադյանի , Հայաստանը վարկը ստանալու է բավականին լավ պայմաններով: Այդ միջոցներից կարող են օգտվել ոչ միայն առևտրային բանկերը, այլև վարկային կազմակերպությունները:

Նշենք, որ Հայաստանն ու գերմանական KfW բանկը համագործակցում են ավելի քան 10 տարի: