ՌԴ ՆԱԽԱԳԱՀԻ ՕԳՆԱԿԱՆ. ՄՈՍԿՎԱՅՈՒՄ ՓԱՍՏԱԹՂԹԻ ՍՏՈՐԱԳՐՈՒՄ ՆԱԽԱՏԵՍՎԱԾ ՉԷ

Հայաստանի նախագահ Սերժ Սարգսյանը և Ադրբեջանի նախագահ Իլհամ Ալիևը կհանդիպեն հուլիսի 18-ին: Այս մասին հայտնել է Ռուսատսանի նախագահի օգնական Սերգեյ Պրիխոդկոն:

Նրա խոսքերով, Ղարբաղյան կարգավորման հարցով նախագահների հերթական հանդիպումը կկայանա Մոսկվայում,  որտեղ նախագահները ԱՊՀ մի շարք այլ երկրների ղեկավարների հետ միաժամանակ ներկա կգտնվեն ձիարշավի` Ռուսաստանի նախագահի մրցանակի խաղարկությանը:

«Գազետա.ռու»-ի փոխանցմամբ, Սերգեյ Պրիխոդկոն վստահեցրել է, որ նախագահների հանդիպման արդյունքում որևէ փաստաթղթի ստորագրություն նախատեսված չէ: