Ս. ՍԱՐԳՍՅԱՆՆ ԱՅՍՕՐ ԶՎԱՐԹՆՈՑՈՒՄ ԷՐ` ԾԱՆՈԹԱՆԱԼՈՒ ՆՈՐ ՀԱՄԱԼԻՐԻ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻՆ

Նախագահ Սերժ Սարգսյանն այսօր այցելել է «Արմենիա» միջազգային օդանավակայաններ» ՓԲԸ` ծանոթանալու օդանավակայանի հանրային գոտում կառուցվող նոր համալիրի շինարարական աշխատանքներին:

Համալիրն սկսել է կառուցվել 2008թ. և շահագործման կհանձնվի 2011թ., որից հետո Զվարթնոց միջազգային օդանավակայանը տարեկան կկարողանա սպասարկել 3 միլիոն ուղևոր:

Նախագահը շրջել է նաև արդեն շահագործվող մեկնման և ժամանման սրահներում, ծանոթացել նոր ներդրված տեխնիկական համակարգերին և ուղևորների սպասարկման գործընթացի կազմակերպմանը: Այս մասին հայտնեցին նախագահի մամլո գրասենյակից: