Ա ԳՐԻՊԸ ՆՈՐ ՏԱՐԱԾՔՆԵՐ Է ԳՐԱՎՈՒՄ

Ռուսաստանում, հուլիսի 24-ի տվյալների համաձայն, լաբորատոր կարգով հաստատվել է Ա գրիպի 18 դեպք: Հիվանդության բոլոր դեպքերը դրսից են «բերվել»:

Միևնույն ժամանակ, Ֆրանսիայում խոսում են այն մասին, որ այս տարվա սեպտեմբերին երկրում զգալիորեն ավելանալու է Ա գրիպով վարակվածների թիվը, ինչն էլ բացասական ազդեցություն կարող է ունենալ երկրի տնտեսության վրա: Այսպիսի հայտարարությամբ հանդես է եղել Ֆրանսիայի վարչապես Ֆրանսուա Ֆիյոնը:

Նա նշել է, որ հարևան երկրներում, մասնավորապես, Մեծ Բրիտանիայում, տիրող դրությանը հետևելուց հետո եզրակացության է եկել, որ Ֆրանսիայում՝ «ամռան ավարտից հետո միլլիոնավոր մարդիկ կարող են արդեն վարակված լինել»: Այս մասին հաղորդում է «Associated Press»-ը:

Հիշեցնենք, որ Ֆրանսիայում գրանցվել է Ա գրիպով վարակված մարդկանց 483 դեպք: