Ջ. ՎԵՐԴԻԻ «ԱԻԴԱ»-Ն ՀԱՅԿԱԿԱՆ ԲԵՄՈՒՄ

Իտալացի աշխարհահռչակ օպերային ռեժիսոր Մարիո Կորրադինի բեմադրությամբ և աշխարհահռչակ օպերային երգչուհի Հասմիկ Պապյանի մասնակցությամբ արդեն երկու շաբաթ է, ինչ Հայաստանում սկսվել են Ջուզեպպե Վերդիի «Աիդա» օպերայի բեմադրման նախապատրաստման աշխատանքները:

Հայաստանի մշակույթի նախարար Հասմիկ Պողոսյանը, երբ հուլիսի 23-ին ընդունել է ՀՀ-ում Իտալիայի արտակարգ և լիազոր դեսպան Բրունո Սկապինիին, պայմանավորվածություն են ձեռք բերել` Հայաստանում համատեղ բեմադրել Ջուզեպպե Վերդիի «Աիդա» օպերային ներկայացմումը:

Արդեն 2010 թ. փետրվարի 12-ին հայ հանդիսատեսը հնարավարություն կունենա 25 տարվա դադարից հետո կրկին հայկական բեմում դիտել «Աիդա» օպերան:

Ջուզեպպե Վերդին 1870թ. հին հունական էպոսներից մեկի` «Աիդա»-յի սցենարի հիման վրա է գրել իր հանրահայտ օպերան: Օպերայի պրեմիերան կայացել է 1871թ.դեկտեմբերի 24-ին Կահիրեում:
«Աիդա» էպոսը ժամանակագրվում է Եգիպտական հին Փարավոնների և Նուբի ցեղի անընդհատ բախումների շրջանին: Այն սիրո և նվիրումի մի հիանալի օրինակ է, որտեղ պատմվում է հայրենիքի, ծնողների և մերձավորի նկատմամբ սիրո և դրանց բախումների մասին: