ԱՄՆ-ՈՒՄ ՓՈՐՁԱՐԿՈՒՄ ԵՆ «ԽՈԶԻ ԳՐԻՊԻ» ԴԵՄ ՊԱՏՎԱՍՏԱՆՅՈՒԹԸ

ԱՄՆ բժշկական հաստատություններում և հիվանդանոցներում այսօր սկսվում է A/H1N1 (խոզի գրիպ) վիրուսի դեմ նոր պատվաստանյութի փորձարկումը:

Կլինիկական փորձարկման համար, ինչպես փոխանցում է «ՌԻԱ-նովոստի»-ն, անհրաժեշտ են հազարավոր կամավորներ` փոքրից մեծ: Ցանկացողները պատվաստվելու են 21 օրվա տարբերությամբ, որպեսզի սեպտեմբերին արյան անալիզներից պարզեն` ինչքանո՞վ է պատվաստվածի իմունային համակարգը պատրաստ պայքարել վիրուսի դեմ:

«Խոզի գրիպի» հերթական բռնկումը ԱՄՆ-ում սպասում են հոկտեմբեր ամսին: Տարբեր աղբյուրների հաղորդմամբ, աշխարհում արդեն իսկ 113 հազար 507 մարդ մահացել է «խոզի գրիպով», նրանցից 549-ը մահացել են:

«Խոզի գրիպի» վարակվածության դեպքեր են գրանցվել նաև հարևան Ռուսաստանում և Վրաստանում: Հայաստանում դեռևս, պաշտոնական տեղեկատվության համաձայն, վարակվածության դեպքեր չեն հայտնաբերվել: