Ամենից շատ կարդացված նյութեր

15:00 14/08/2009

ԱՐՏՈ ԹՈՒՆՉԲՈՅԱՋՅԱՆՆ ԱՅՍՕՐ ԵԼՈՒՅԹ ԿՈՒՆԵՆԱ ԱԺ ԲԱԿՈՒՄ. ՄԻՆՉ ԱՅԴ ՆՐԱՆ ԸՆԴՈՒՆԵԼ Է ԱԺ ՆԱԽԱԳԱՀԸ

Այսօր Ազգային ժողովի նախագահ Հովիկ Աբրահամյանն ընդունել է երգահան և երաժիշտ, «Արմինյան Նեյվի Բենդ» երաժշտական խմբի հիմնադիր Արտո Թունչբոյաջայնին:

Ողջունելով հյուրին` խորհրդարանի նախագահը շնորհակալություն է հայտնել իր հրավերն ընդունելու և «Ազգային ժողովի բաց դռներ» ծրագրում ներգրավվելու համար: Պրն. Աբրահամյանը շնորհավորել է «Արմինյան Նեյվի Բենդի» 10-ամյակը` մաղթելով սիրված երաժշտին և խմբի բոլոր անդամներին նորանոր ստեղծագործական հաջողություններ:

ԱԺ հասարակայնության հետ կապերի վարչության հաղորդմամբ` զրույցի ընթացքում Արտո Թունչբոյաջյանը ներկայացրել է մշակութային ծրագրերի իր մի շարք մտահղացումները, որոնք կցանկանար իրականացնել հայրենիքում: Հանդիպմանը մասնակցել է նաև ՀՀ մշակույթի նախարար Հասմիկ Պողոսյանը:

Հիշեցնենք, որ «Ազգային ժողովի բաց դռներ» ծրագրի շրջանակում կայանալիք Արտո Թունչբոյաջյանի և «Արմինյան Նեյվի Բենդի» համերգը տեղի կունենա այսօր` օգոստոսի 14-ին, ժամը 19.30-ին:

Placeholder