ՊԵՏԱԿԱՆ ԱՋԱԿՑՈՒԹՅՈՒՆ` ԱՌԱՋԻՆ ԴԱՍԱՐԱՆՑԻՆԵՐԻՆ

Ընտանեկան նպաստի իրավունք ունեցող ընտանիքները, ովքեր երրորդ եռամսյակում դեռ ընդգրկված են նպաստառուների ցուցակում և իրենց ընտանիքում ունեն առաջին դասարանցի երեխա, որպես պետական աջակցություն այս տարի ևս կստանան 20 հազար դրամ:

Այս մասին Panorama.am-ին տեղեկացրեց աշխատանքի և սոցիալական հարցերի նախարարության սոցիալական աջակցության վարչության պետ Աստղիկ Մինասյանը:

Նրա խոսքերով, 20 հազար դրամ ստանալու համար ծնողները պետք է դիմում գրեն իրենց համայնքի սոցիալական ծառայության տարածքային կենտրոն և ամսվա վերջին  ընտանեկան նպաստի հետ համատեղ կստանան նշված գումարը:

Նրա տեղեկացմամբ, ծնողները կարող են դիմումներ գրել մինչև սեպտեմբերի վերջին օրը: