ԱՅՍ ՏԱՐԻ 1150 ԱՇԱԿԵՐՏ ՈՒՂՂՈՐԴՎԵԼ Է ՈՒՍՈՒՄԸ ՀԱՏՈՒԿ ԾՐԱԳՐՈՎ ՇԱՐՈՒՆԱԿԵԼՈՒ

Այս տարվա առաջին կիսամյակում Կրթության և գիտության նախարարության Բժշկահոգեբանամանկավարժական գնահատման կենտրոն է դիմել 1500 աշակերտ, որոնցից 1150-ը գնահատվել և ուղղորդվել է հատուկ ծրագրով ուսումը շարունակելու:

Այս մասին Panorama.am-ի թղթակցի հետ զրույցում ասաց Կրթության և գիտության նախարարության Բժշկահոգեբանամանկավարժական գնահատման կենտրոնի տնօրեն Վարդ Կատինյանը:

Նա նշեց, որ այս տարի կենտրոն դիմած 350 աշակերտներ էլ ուղղորդվել են հանրակրթական ծրագրով ուսումը շարունակելու:
Նշենք, որ անցած տարի կենտրոն է դիմել 1800 աշակերտ, որոնցից 1500-ը ուղղորդվել է հատուկ ծրագրով ուսումը շարունակելու, իսկ մնացածը` հանրակրթականով: