ՆԱՐԿՈԴԻՍՊԱՆՍԵՐՈՒՄ ԲՌՆԿՎԱԾ ՀՐԴԵՀԻՑ ՏՈՒԺԵԼ Է 37 ՄԱՐԴ

Ղազախստանի Տալդիկորգան քաղաքի նարկոլոգիական դիսպանսերում տեղի ունեցած հրդեհի պատճառով մահացել է 37 մարդ: Այս մասին հաղորդում է «ՌԻԱ ՆՈՎՈՍՏԻ»-ն` հղում կատարելով Ղազախստանի ԱԻՆ մամուլի բաժնին: Նախապես հաղորդվել էր այն մասին, որ արտակարգ պատահարի զոհ է դարձել 38 մարդ:

ԱԻՆ պաշտոնական հաղորդագրության մեջ նշվում է, որ վտանգավոր գուտուց հաջողվել է տարհանել ու փրկել 41 մարդու, որոնցից 14-ը տեղափոխվել են հիվանդանոց: Հրդեհի ամբողջ տարածքը կազմել է 400 խորանարդ մետր: Նախաքննության կողմից բացառվել է դիտմամբ հրդեհելու վարկածը:

Երկրի վարչապետ Կարիմ Մասիմովի խոսքերով ստեղծվել է կառավարական հանձնախումբ` դեպքի պատճառները պարզելու համար: Իսկ մահացածների ընտանիքներին ֆինանսական աջակցություն է ցուցաբերվելու: