ԱՄՆ-ՈՒՄ ՍԿՍՈՒՄ ԵՆ Ա ԳՐԻՊԻ ԴԵՄ ՄԱՍՍԱՅԱԿԱՆ ՊԱՏՎԱՍՏՈՒՄՆԵՐ

ԱՄՆ-ի դեղերի վերահսկման դաշնային գործակալությունը թույլատրել է Ա գրիպի դեմ պատվաստանյութի օգտագործումը: Բրիտանական արտադրության պատվաստանյութերի առաջին չափաքանակը բժիշկներին «կհասնի» հոկտեմբերի առաջին օրերին: Այս մասին տեղեկացնում են ռուսական լրատվամիջոցները:

Առաջին 45 միլլիոն չափաքանակը կտրամադրվի հիվանդանոցներին ու դպրոցներին: Ընդհանուր առմամբ, ամերիկայի կառավարության պատվիած 195 մլն չափաքանակ պատվաստանյութը, ինչպես կարծում են բժիշկները, կբավականացնի, որ չեզոքացնի երկրում խոզի գրիպի տարածումը:

Նշենք, որ Առողջապահության համաշխարհային կազմակերպության հրապարակած տեղեկատվության համաձայն աշխարհում H1N1 վիրուսով հարուցված գրիպի համաճարակային իրավիճակը շարունակում է մնալ լարված` համաճարակային գործընթացում ընդգրկելով նոր տարածքներ: Այսպիսով` սեպտեմբերի 11-ի դրությամբ այդ երկրները պաշտոնական հաղորդագրություն են ներկայացրել մարդկանց շրջանում H1N1 վիրուսով հարուցված գրիպի 277607-ից ավել դեպքի, այդ թվում` 3205 մահվան դեպքի մասին: