Ամենից շատ կարդացված նյութեր

14:58 25/09/2009

ԵՐԿԱԹՈՒՂԻՆ ԿՆԵՐԴՆԻ 50 ՄԼՆ ՌՈՒԲԼԻ

Հայ-թուրքական սահմանի վրա լոգիստիկ կենտրոն կառուցելու համար «Հարավկովկասյան երկաթուղի» ՓԲԸ-ն ներդնելու է 50 մլն ռուբլի: Լրագրողների հետ հանդիպմանը նման տվյալներ ներկայացրեց ընկերության տնօրենի ենթակառուցվածքների գծով տեղակալ Մարատ Խակովը: Նա ասաց¸ որ ներդրումների ողջ ծավալը կարելի է նշել նախագծի մանրամասն վերլուծությունից հետո:

Խակովի ներկայացմամբ¸ Ախուրյանի բոլոր կայանները ազատվել են հին վագոններից¸ այսօր մաքսային և սահմանային անցակետերի վարչական շենքերի կառուցման ուղղությամբ նախագծային մշակումներ են իրականացվում: Նախատեսվում է հոկտեմբերին սկսել գծային տնտեսության շինարարական¸ մոնտաժման աշխատանքներ¸ ինչը կպահանջի գծերի տեղափոխում:

Նշենք¸ որ միջազգային լոգիստիկ կենտրոնը կստեղծվի Ախուրյանի սահմանային անցակետի բազայի հիման վրա¸ որը վարձակալությամբ կտրվի նոր ստեղծվելիք ձեռնարկությանը:

Placeholder