Սահմանել են ցանցերի փոխկապակցման պայմանները

«Օրանժ Արմենիա» ՓԲԸ-ն (ապրանքանիշը` Orange) և «ԱրմենՏել» ՓԲԸ-ն (ապրանքանիշը` Beeline) ստորագրել են ցանցերի փոխկապակցման մասին պայմանագիր: Փաստաթղթով երկու օպերատորները սահմանում են իրենց ցանցերի փոխկապակցման կոմերցիոն և տեխնիկական պայմանները: Այս մասին հայտնեցին «Օրանժ Արմենիա» ընկերության մամուլի ծառայությունից:

Երկու ընկերությունների գլխավոր տնօրենները հայտնել են, որ այժմ սկսվելու է փոխկապակցման տեխնիկական փորձարկումը` նշելով, որ բանակցություններն անցել են գործընկերային մթնոլորտում: Նրանք վստահություն հայտնեցին, որ ապագայում ևս համագործակցությունը կլինի արդյունավետ, առողջ մրցակցության սկզբունքներով: