Հայաստանը կմասնակցի ՍՏՀԿ ԱԳՆԽ Բաքվում կայանալիք նիստին

Հայաստանի Հանրապետության պատվիրակությունը մասնակցելու է Սևծովյան տնտեսական համագործակցության կազմակերպության արտաքին գործերի նախարարների խորհրդի Բաքվում հոկտեմբերի 22-ին կայանալիք նիստին: Այս մասին տեղեկացնում են ԱԳՆ հասարակայնության հետ կապերի բաժնից:
Ըստ աղբյուրի, հայկական պատվիրակությունը գլխավորելու է ՀՀ արտաքին գործերի փոխնախարար Արման Կիրակոսյանը:

Հիշեցնենք, որ ՍՏՀԿ ԱԳՆԽ վերջին` 20-րդ նիստը կայացել է այս տարի` ապրիլի 16-ին, Երևանում: Այդ ժամանակ խորհրդում նախագահությունը ռոտացիոն կարգով Հայաստանից փոխանցվել է Ադրբեջանին:

ՍՏՀԿ անդամ են Հայաստանը, Ալբանիան, Ադրբեջանը, Բուլղարիան, Վրաստանը, Հունաստանը, Մոլդովան, Ռումինիան, Ռուսաստանը, Սերբիան, Թուրքիան և Ուկրաինան: Կազմակերպությունում դիտորդի կարգավիճակ ունեն Ավստրիան, Բելառուսը, Խորվաթիան, Չեխիան, Եգիպտոսը, Ֆրանսիան, Գերմանիան, Իտալիան, Լեհաստանը, Սլովակիան և Միացյալ Նահագները: