Օբաման պատվաստվել է սովորական գրիպի դեմ եվ սպասում է իր հերթին` խոզի գրիպի դեմ պատվաստվելու համար

ԱՄՆ նախագահ Բարաք Օբաման պատվաստվել է սովորական գրիպի դեմ: Դեռ ավելի շուտ նման պատվաստման են ենթարկվել նրա կինը և դուստրերը: Այդ մասին տեղեկացրել է Սպիտակ տան պաշտոնական ներկայացուցիչը, հաղորդել է ԻՏԱՌ-ՏԱՍՍ-ը: Նրա խոսքով, ԱՄՆ նախագահը իր ընտանիքի հետ սպասում է մինչև իրենց հերթը կհասնի A/H1N1-ի (խոզի գրիպ) դեմ պատվաստվելու համար:

Նոր գրիպի դեմ մասսայական պատվաստումներն սկսվել են այս տարվա սկզբին: Ըստ կառավարության որոշման, պատվաստումն առաջին հերթին պետք է անցնեն հղի կանայք, 6 ամսականից մինչև 2 տարեկան երեխաներին, նրանց ծնողներին ու դայակներին, բուժաշխատողներին և խրոնիկական հիվանդություն ունեցողներին: