ԱՀԿ. H1N1-ն աշխարհում 4,7 հազար մարդու մահվան պատճառ է դարձել

Բելգրադից 80 կիլկոմետր հեռավորության վրա գտնվող Կրագուևաց քաղաքի հիվանդանոցներից մեկում Ա գրիպից մահացել է 46-ամյա մի կին: «Ռոյթերս»-ի հաղորդմամբ` Սերբիայում դա H1N1-ից մահվան առաջին դեպքն է:

Տեղական բուժաշխատակիցների խոսքերով, սուր թոքաբորբով հիվանդ կինը հիվանդանոց է բերվել հոկտեմբերի 5-ին` ծանր վիճակում:

Նրա մոտ Ա գրիպի ախտորոշումը պաշտոնապես հաստատվել էր դեռևս սեպտեմբերի 29-ին, սակայն այն ժամանակ կինը հրաժարվել է հոսպիտալացվել:

Նշենք, որ ներկայումս` Առողջապահության համաշխարհային կազմակերպության (ԱՀԿ) տվյալների համաձայն, աշխարհում Ա գրիպից գրանցվել է ավելի քան 4,7 հազար մահվան ելքով դեպք: